सयाजीरावांचे जगावेगळे दातृत्व
सयाजीराव दूरद्रष्टी राजा होते. त्यामुळे आयुष्यभर त्यांनी देशभरातील सर्व क्षेत्रांतील हुशार माणसांचा संच बडोद्यात बनविला. एवढेच नाही तर जगातील उत्तम शिल्पकार, ग्रंथालयशास्त्रज्ञ, नगररचनाकार, बागबगिचा, चित्रकला, भाषा, अर्थशास्त्र या विषयातील तज्ज्ञांच्या ज्ञानाचा बडोद्यात उपयोग करून घेतला. अनेक व्यक्ती, संस्था आणि सर्वजाती धर्माच्या विद्यार्थ्यांना शिष्यवृत्त्या देऊन मदत केली. महाराष्ट्रातील शंभराहून अधिक शिक्षण संस्थांना प्रत्यक्ष-अप्रत्यक्ष सयाजीरावांची मदत मिळाली.
